Den oranan di marduga a drenta informacion cu tin accidente basta serio na Pavia. Unidad di Polis a bay mesora. E accidente tabata banda di 5or di marduga.
Na yegada a topa cu un auto cu a causa basta daño diferente caminda. E chauffeur tabata basta bebi pero tambe herida. Presencia di ambulance tabata necesario.
Paramediconan a tene pa e por a cana yega na e cama pa hinke den ambulance.
E chauffeur tabata riba caminda y pa motibo di cansancio di curpa y alcohol, a baha caminda raspa palo di luz.
Djey a bay dal den un cura di cas mesun banda di caminda. Despues a sigui core crusa bay otro banda di caminda y dal tambe den otro cura di cas. E auto a keda hopi kibra y tambe dos cura di cas. Polisnan a haci nan investigacion na e sitio.
