Diaranson 8 di januari Aruba a haya bishita di un barco turistico cu tabata hospeda 5000 homber homosexual. E ultimo biaha cu esaki a yega di sosode ta data un poco mas cu dies aña pasa. N’e ocasion ey e turistanan homosexual aki a disfruta di e producto turistico di Aruba grandemente. Nan a bin pa disfruta sanamente di nos pais y sigur nan presencia a aporta grandemente na nos economia.
Sinembargo, e experiencia cu e 5000 pasaheronan homosexual cu a yega diaranson ultimo tabata completamente contrario cu esun di biaha pasa. Nan comportacion extremo y inmoral no solamente a kibra ley di nos tera, pero nan actitud di libertinahe a demostra na un y tur cu nan no ta respeta ningun hende ni nacion. Na diferente lugar nan a falta respet, kibra tur etica moral pa tur esunnan presente sin considera cu tabatin muchanan presente.
Por a constata esaki a traves di algun video cu tabata circula pero tambe di e storianan di algun testigo.
Nikki Beach
Nikki Beach a converti den un scenario di orgia na unda cu varios testigo a conta den horor, con e homosexualnan tabata “finger” otro den pleno publico. Tabatin un boter di lubricante riba e bar di e beach cu nan tabata uza y tabata tin sex den pleno bista di tur hende.
E mayornan cu tabata hibando nan yiunan pa zwemles na Nikki Beach a wak den horor y a keda cu trauma kico tur tabata pasando. Nan mester a core huy cu nan yiunan for di e luga unda tur e barbaridadnan aki a tuma luga. E trahadornan tambe a keda trauma di tur esaki.
Patio 15
Patio 15 a prepara un evento special p’e pasaheronan homosexual. Esey riba su mes ta mas cu nan derecho. Sinembargo cos a bay hopi lihe fo’i man y a capta riba video con algun di e personanan aki tabata tin sex den pleno bista di pueblo, considerando nan tabata pafo den e patio di e negoshi! Esey ta djis un instante cu a capta. Ningun momento gerencia a condena esaki ni trata na stop e actonan aki contra nos leynan nacional.
E Siguiente Dia
Aruba a lanta e siguiente dia den horor, disgusto y rechaso total di e comportacion inaceptabel di e turistanan homosexual. Y cu tur rason; dicon ningun hende a interveni? Dicon no a yama polis? Dicon e negoshinan no a interveni? Aunke e videonan ta circulando tur caminda ainda por mira con algun hende tin e curashi pa defende e accionan fo’i sla di e turistanan aki. Aruba a haya un prueba chikito con e grupo di “Orguyo” y “LGBTQ+” ta move na Merca y exterior. Esaki ta e “tip of the iceberg.” Esaki t’e comportacion cu “Orguyo” internacional ta representa y ta influencia e nacionnan cu ne.
Nos educacion, nos muchanan, nos decencia como pueblo, nos etica, moral y balor tur ta na peliger pasobra un minoria awo kier impone ley riba nos pueblo, cu sigur den su gran mayoria ta rechasa. Nos principionan, etica, balor, moralidad y futuro di nos pais ta bao di atake y pueblo por conta cu mi sosten pa sigui duna resistencia contra e desaroyo adverso aki. Mi ta kere den igualdad pa tur hende, pero sigur no un cu ta perhudica y destrui un nacion su cultura, balor y dignidad. Aruba merece mihor!
Nota di redaccion: E articulo en cuestion ta ilustra opinion y pensamento di e autor y contrario na su ponencia, e comerciante en cuestion si a actua y a para e sucedido.
