Diabierna, 15 di Maart, e muchanan di St. Paulus School, hunto cu esunnan di colegio Santa Teresita, a tene un marcha cultural, demostrando asina nan amor pa cultura. Durante e marcha aki nan a bin cu varios tema y bisti na pañanan tipico di Aruba.
E dia a cuminsa naturalmente cu cantamento di himno y subimento di bandera na ambos scol, pa despues e muchanan di Colegio santa Teresita cana bay na St. Paulus School, y hunto subi caya. Tabata tin tres soundsystem cu musica tipico. Nan a sali bay den den Pastoor Hendrickstraat.
Ta purba di coy e ruta di Carnaval di Mucha, pero cu tiki cambio. Na Rayo di Solo lo cana bay den Caya Dick Cooper, sigui den B v/d Veen Zeppenfeldstraat, Lagoweg, pasa K&G y bin bek den Pastoor Hendrickstraat y caba na scol. Tabata sigur un manifestacion cultural masha bunita mes, caminda e muchanan a demostra nan amor patrio cu yen di ambiente. Palabra di felicitacion ta bay na ambos scol cu a demostra cu nan tin nos cultura na pecho. Ta spera cu pa otro aña e otro scolnan den vecindario, tambe participa na e marcha cultural aki.
