Marcel Balootje: Nos autonomia den cristo hesus, no ta negociabel

447

Bo tabata sa cu nos tin automonia den Cristo Hesus ,y e ta algo sobrenatural y e no ta negociabel? E ta para scirbi den beibel den e buki di Prome Corintios 6 vers 19 +20 : Of boso no sa cu boso curpa ta e Tempel di Spirito Santo kende ta den boso.Kende boso tin di Dios, y cu boso no ta pertenece na boso mes.

Pasobra boso a wordo cumpra pa un preis : Pesey glorifica Dios den boso curpa. Nos no por biba manera nos kier, ni tampoco nos no por haci manera nos kier cu nos curpa ,Pasobra Cristo Hesus a cumpra nos pa un preis di Sanger algo cu no ta negociabel den ningun sentido,E a paga na e cruz pa nos salbacion.Dios ta Todopoderoso, y E ta reina riba tur cos.Nos mester biba den obedencia
na Dios.

E ta doño di nos autonomia, y asina por move den su autoridad, esey ta nifica , cu den Dje nos ta move y nos ta biba. Pega na Cristo nos por tus cos lew for di Dje nos no por nada. E tin tur Poder, dicon pasobra ora Adam y Eva a comete pica e enemigo kier a tuma autonomia di e mundo, pero Dios cu ta misericordioso a manda su unico yiu pa ken cu kere den dje no bay perdi ma haña bida eterno. Ora nos ta den Cristo nos ta liber pero segun Galationan 5:13 e libertad ey no ta pa entrega nos mes na mal deseo. Mas bien pa sirbi otro pa medio di amor.Esaki ta nifica cu ora nos ta biba for di boluntad di Dios, den nos propio Capricho y Deseo , tur nos Felicidad lo ta artificial y no berdadero, pasobra Dios no ta den e asunto. Dios no ta den ningun asunto cu no ta Su boluntad. Santiago 4 v 7 ta bisa :Somete boso mes na Dios resisti e Diabel y lo e hui bay for di boso, Esey ta nifica e
presencia di e autonomia di Dios riba nos bida ta pone Satanas na careda.

Ora nos ta biba un bida , di Rabia, Odio , Vengansa, Persecucion, Mentira,Murmuracion y Falta di Pordon nos ta duna e diabel autonomia den nos bida, y nos ta reparti mal influencia pasobra ningun di e cosnan ariba menciona no ta bini for di Dios, nan ta fruta di carni of mihor bisa un bida cu no kier somete su mes na Dios. Ta pesey hopi hende ta biba bao di Stress y Struggle pasobra nan mes ta duna e enemigo lugar of autonomia of mihor bisa Dominio den nan bida. Ta tempo pa tur hende sa cu bo no por sirbi Dios parcialmente, bo entrega mester ta completo, si bo ta bay biba den un cas bo no por pone mitar dak so pasobra ora awa cay bo tin chens di perde tur cos. Mescos ora Cristo drenta den nos bida e ta drenta completo, y asina nos ta haña temor di Dios, pa nos biba un bida cu ta agrada Dios.

Pesey ta masha importante pa un hende entrega su bida na Señor y biba den Dios su boluntad y aparta for di tur tipo di Golosidad.
Nos ta pertenece na Dios, Nos ta uni cu Cristo,Pablo a bisa cu ya e no ta biba mas mas Cristo ta biba den dje. Hopi biaha nos ta mira hende ta uni cu mal Amistad, cana for di boluntad di Dios y ta keha despues e resultado. No duna e enemigo ningun chens den bo bida,pasobra nos ta pertenece na Cristo y nos no por wak atras, e autonomia Spiritual riba nos bida NO ta negociabel. Laga no uni y para tur dia mas firme den Cristo.