E tempo cu nos ta bibando aden ta exigi hopi disiplina y coreccion, tanto pa hende grandi como mucha. Pasobra si bo orea ta duro e por costabo bo bida. Pasobra pa hopi tempo hende a tira culpa riba gobierno, y otro instancia ora cu cos no ta bay bon den Famia. Tabata tira falta riba scol, maestro etc. Ta keda sin wak pa e muchanan y despues tin hiba nan serca psicologo bay tuma therapia.Hende ta descuida nan propio yiu te e mucha ta bay para te den prison.
Happy Hour ta asina importante cu muchanan no ta hanja e atencion necesario, pero awor nos ta den un situacion cu si bo no tira bista pa bo yiu, e por causa su bida.
Y aki nan henter población mester habri wowo, nos tin un enemigo nos dilanti, cada dia e ta infecta mas hende, tanto hende pober como hende cu placa, e no tin distinction di rasa, e no ta respeta religion.
Sea bo ta grandi of chikito bo por wordo alcansa.
Awor a yega tempo pa Mayor aplica disiplina y coreccion, cual ta ordo estableci den cas cu un persona
Pero no solamente e ta conta pa mucha , pero pa hende grandi tambe. Pasobra bo no por coregi ningun hende ora bo mes ta haci robes. Si bo ta bebe, ta dificil pa bo stop bebemento den cas, si bo ta huma mesun cos. Asina cu bo kier trece un cambio bo tin cu cuminsa cu bo mes.
Abo como mayor tin cu stop di frecuenta cierto lugar pa amor pa bo mes y bo famia. Mescos cu tur medida di precaucion cu mester wordo tuma.
E tempo di biba descuida a pasa, e tempo di mi no tin cu nes a pasa, e tempo di bisa cu ningun hende no tin nada di bisabo a pasa, pasobra cu bo actitud di cabesura bo por trece morto den Famia. Ta tempo di stim abo prohimo manera bo mes.
Awor Beibel ta papia cu hopi hende desobediente cu a causa daño den nan famia, hopi cu no ta tende of no kier tende y despues mester a wanta consequencia hopi fuerte.
Den e buki di 1 Samuel tabatin un sacerdote cu yama Eli cu no a coregi su yiunan y despues esaki a causa bida di e y su dos yiunan riba mesun dia.
Absalon yiu si Davis tambe tabata kere cu e por haci manera e kier a lanta contra su tata y tabatin un final hopi tristo.
E pueblo di Dios tabata desobediente, rebelde, y no tabata tuma coreccion di Moises na cuenta y miles a muri den desierto.
No ta prome biaha cu un virus ta presenta na mundo, pero tur hende cu cuida lo sobrevivi.
Rond mundo tin hopi noticia, berdadero y falso, y tin hende ta publica noticia malo cu por causa bida di otro hende, sin cu nan tin ningun clase di respet.
Pero nos ta pidi mayor pa usa sabiduria y disiplina bo yiu.
Pasobra e momento a yega pa cuida curpa. Y cu yudansa di Dios nos lo logra .
Pasobra pa Dios nada ta imposibel.
Tur cos ta posibel pa esun cu ta kere
Preveni ta mihor cu cu cura.
Obedencia ta mihor cu sacrificio .
Laga nos no usa e virus aki como arma politico manera otro paisnan a hacie y a causa bida di hopi hende.
Tampoco sea religioso y expone bo mes na dje, pasobra ta para scirbi cu nos lo no tenta Señor bo Dios . Mateo Capitulo 4 vers 7.
Esaki ta hiba nos na e conclusion cu ta Solamente Dios por libra nos y si nos ta den obendencia na Dios y na e protocol stipula, nos ta riba e mihor caminda pa nos no wordo contagia.
No wak e cantidad di hende contagia, zorg pa abo no ta e proximo, y keda den oracion sabiendo cu Dios ta capas di haci Aruba completamente liber di e virus.
Ban Confia Señor nos Dios.
