Marcel Balootje: E normal nobo, un bida pega na Cristo Hesus, sin orguyo, arogancia y mentira

Ora nos wak e Worldometer di WHO e ta mustra nos cu anualmente tin 40-50 miyon abortus y awor aki e meter ta para na 30.462 707. Mundialmente tin 125.000 aborto pa dia y solamente na Merca tin 3000 of mas pa dia. Y no lubida cu na Hulanda tin clinica pa Aborto, cu ta cobra hopi placa, pero keto bay hende ta sigi haci mesun cos. Entre 40 pa 50 miyon baby ta mata pa aña.

Awor coronavirus a drenta y nos ta papia di Normal Nobo, cual ta keda laba man, uza hand sanitizer, bisti mask, 1,5M di distancia social, no forma grupo, Toque de keda,Shelter in place,etc , etc.

Ya no ta un secreto mas cu e virus ta uno traha, y e plan ta pa domina mundo completo, pero e Spirito di Dios y e oracion di e pueblo, y e protocol existente tin e wanta.

E NORMAL NOBO mas cu claro a pone mundo corda riba Dios, manera nos a menciona mas ariba, locual ta sosode mundialmente cu aborto, y nunca nos a mira un protocol contra esey rond mundo, nunca bo a yega  di mira sticker y flyers y programa di television semanal cu ta papia tocante di aborto. Locual aborto ta haci na mundo no ta nada compara cu coronavirus, pero ningun hende no ta bisa nada pasobra abortus ta personal. Ta hende ta dicidi cu e ta hacie si of no.

Den e asunto di Covid-19 hende orguyoso ta actua iresponsabel, y no ta importa nan cuanto prohimo nan por contagia.

Hende arogante ta haci manera nan no sa mes cu nan ta contagia. Hende mentiroso ta plama tur clase di noticia falso basta nan hayaa atencion y placa.

Pero Dios ta mustra algo masha delicado, cu e Covid ta pa tur hende, na prome luga pa lanta bek e amor pa prohimo, pasobra ta dificil cu un hende ta contagia y e no ta tene cuenta cu esnan rond di dje. Un hende sa cu e tin cu bisti mask pero e ta evita di haci esey.

Aunke rond mundo e bista ta riba Iglesia, toch e yiunan di Dios a keda den oracion rond mundo pa asina Dios tene misericordia di nos y yuda nos.

Mundo ta pasando door di momentonan hopi dificil, pasobra te ainda no tin vacuna y ningun hende no sa ki dia vacuna lo keda cla. Pero un cos nos sa cu Dios ta doño di tur vacuna , pasobra Cristo Hesus a bisa cu den su yaganan nos tur ta sana.

P’esey un acercamento na Dios pa henter mundo ta necesario pa nos pasa door di e situacion aki, pasobra si e vacuna dura dos aña mas prome cu e ta cla ta ken lo cuida nos. No lubida cu pa motibo di Covid-19 tin hende ta gana biyones, mientras cu miyones ta infecta, y miles ta muriendo.

Y e unico manera pa sobrebibi e pandemia aki ta un acercamento na e trono di Gracia, pasobra ta proba rond mundo awor mas cu nunca cu Dios ta haciendo milager den hospitalnan. Hopi hende no kier reconoce cu cada persona cu sana di Covid-19 ta un milager di Dios.

Un dolor cu Covid-19 ta laga atras ta problema psycologico den hopi pais, tin suicidio, y ora e pandemia aki pasa mundu lo bin realisa su daño. Pero te ainda nos ta na tempo, pa acerca e trono di Gracia y busca ayudo serca Dios, pasobra esun cu aserca Dios nunca lo keda na berguenza.

Haci oracion den bo cas, toca y canta Alabansa, halsa e nomber di Dios riba tur cos, no fria, keda pega na Señor pasobra a keda demostra cu Dios so por libra nos.

Haci cadena di oracion via Whatssup cada habitante di nos isla tuma un mey ora y haci oracion, na Dios pasobra asina nos lo sali for di e pandemia aki. Corda cu locual hende no por Dios si por, Pa Dios nada ta imposibel. Y den nomber di Cristo Hesus pronto e Covid-19 aki lo disparce.