Marc Figaroa lo bira Director di Aruba Ports Authority NV

Arubadag Adzone 1
RBC Mortgage Prequal Campaign 2019
Ana Gabriel cu Fun Miles
Hyundai Creta
RBC Mortgage Switch Campaign 2019

E lo ta un cambio solamente den prome nomber di e compania, di Aruba Airport Authority pa Aruba Ports Authority, Marc Figaroa ta cla pa asumi un reto nobo den su carera! For di algun dia caba e rumor aki ta circulando pero awe fuentenan bon na altura den Aruba Ports Authority a confirma na nos cu a keda cla cu e proceso pa recluta un Director nobo pa e compania estatal. 

Colonel’s Catch Special
Full Moon Viewing at California Lighthouse – Square
Banner Rav 4
Ta Huur Apartamento
Red Fish Lunch Special Feb 2019
Bende Bo Cas
Arubadag Adzone 4
MotorWorld JAc

Marc Figaroa tin un amplio experiencia den area comercial na Aeropuerto y ta cla awor pa ripiti e mesun exito aki pero na e dos wafnan di nos isla. E compania di Accountant, Deloite a efectua un proceso amplio di reclutacion, den cual varios candidatonan a solicita y na final a escogencia a bay pa Marc Figaroa, debi na su estudio, su experiencia pero sigur su trayectorio exitoso den maneho comercial na nos Aeropuerto. Entrante dia 1 di februari 2019 e ta asumi e funcion for di e director actual, Jossy Figaroa, cu lo bay disfruta di un pensioen bon mereci.

Marc Figaroa ricibiendo un di e varios premionan internacional pa Aruba Airport Authority NV.

Manera tur hende ta corda, na dado momento e director di APA, esta Alfonso Boekhoudt a bay asumi e puesto di Minister Plenipotenciario di Aruba na Hulanda, lagando e puesto vacante atras. E tempo ey a opta pa pidi Jossy Figaroa cu a caba di baha for di e puesto di director di DOW pa duna un man temporalmente na APA. Sin embargo e tempo a bira mas largo cu lo a spera pasobra Alfonso Boekhoudt a pasa di Minister Plenipotenciario pa Gobernador. Mesora a cuminsa pensa den yena e vacatura di Director, pa cual awor Aruba Ports Authority ta cla pa drenta e siguiente etapa den su desaroyo.

Marc Figaroa  tin un Master Degree den Business Administration y a specialisa den aviacion. Despues di a caba Colegio Arubano, el a sigui su estudionan na Daytona Beach, na Merca. E tin 13 aña trahando na Aruba Airport Authority NV y pa e ultimo 10 añanan e ta den funcion di “Commerce Manager” encarga cu henter e maneho comercial na e Aeropuerto di Aruba.

Mester menciona cu den e ultimo añanan, bou maneho di Marc Figaroa, Aruba Airport Authority a gana varios premio internacional, debi na e prestacion di e Aeropuerto, satisfaccion di clientenan, ofertanan comercial den e mal den Aeropuerto y sin lubida e parti di aviacion. Bale la pena añadi cu bou su maneho y cu su empeño y dedicacion, e entradanan di Aeropuerto tambe a conoce un crecemento drastico den e ultimo decada.

Pabien na Marc Figaroa y hopi exito den e reto nobo cu ta spera Bo awor na waf.

Comments

comments

Island Finance – Home improvement