Manuel Genao ta denuncia corupcion den Guarda Nos Costa

Manuel Genao riba su cuenta di Facebook a haci un denuncia di corupcion cu ta tumando luga den Guarda Nos Costa. E mes no ta na Aruba mas y ta sinti cu su bida ta na peliger. El a conta con el a wordo deteni pa funcionarionan di GNC y despues cu e tabata paden e areglo cu el a haci cu Trudy Hassell pa haya sa kendenan ta envolvi den e negoshi di asilo politico. A cambio Trudy lo percura pa su “recompensa” cerca Minister Andin Bikker

Pero e cos no a sali manera el a pensa, ya cu den su investigacion el a bin descubri, segun el a conta, cu dos funcionario di GNC ta envolvi den e skema of negoshi di asilo politico. Genao a sigura cu nan a menas’e cu morto pero cu e no tin miedo.

Den e video aki por scucha con el a basha’bou di e actonan coruptivo cu e ta bisa ta tuma luga den e institucion aki.