E pregunta cu hopi ta puntra ta con pa compensa e ambtenaarnan. Gobierno a gaña empleado publico, pasobra a bisa cu e placa ta pa FASE. Awo cu esaki a disparce, gobierno ta sigui corta.
Gobierno a bisa riba e situacion aki cu Hulanda a manda bisa pa corta, pero Hulanda ta bisa esey tabata proposicion di Evelyn Wever-Croes. Cu nan a plak e na St. Maarten y Corsou. Gobierno mester baha gasto, pero unda e ta bay haci esey pa compensa e 12.6%. Miguel Mansur, lider di Accion21, a splica cu por a mira den presupuesto 2022 cu goederen en diensten a subi. Si e parlamentario no ta kiboca, tabata trata di un suma di 27 miyon.
Si su persona no ta kiboca, e aña aki 300 pa 400 ambtenaar lo tuma nan retiro y esey ta kita presion. E tamaño di sector publico no por sigui manera e ta, pero mester reduci. Segun Mansur, durante campaña el a bisa esaki. Nan no ta papiando di kita hende masalmente. Bin cu un ponencia y e ora nan kier core hib’e na un extremo. E stap di vacatura no ta funcionando bon. E ta kere loke gobierno por haci ta incentivo. Gobierno por bisa e empleadonan den sector publico bay traha den sector priva, e ora por duna e compania cu a duna nan un trabou, e prome seis lunanan ta paga 100% di nan salario, mientras e otro seis lunanan 75% y sigui asina
Pa mas lesa TREMPAN.COM.
