Awe mainta Yuri Bracho a entrega oficialmente na Gobernador di Aruba Alfonso Boekhoudt e Manifiesto cu diabierna ultimo a bay pa Corte, Parlamento, Gobierno y Ministerio Publico.
Sra. Bracho a splica cu a haci esaki pa e representante di Reino ta na altura di loke ta preocupacion di e gruponan den comunidad pa loke ta abuso di mucha.
Den e Manifiesto ta para entre otro ayudo pa mamanan cu ta sinti nan mes oprimi y con nan mester actua; ayudo di rehabilitacion pa abusadonan; amplia centronan di cuido di muchanan; miho ayudo psicologico pa e muchanan abusa; mas personal pa atende cu e victimanan di abuso.
Director di Gabinete di Gobernador a ricibi e Manifiesto pa motibo cu Gobernador mes ta den un reunion importante.
Pa loke ta e marcha di protesta, Bracho a splica cu e organisadonan a keda hopi contento cu e apoyo ricibi.
