SIMAR ta evaluando kico ta e motibo di un manifestacion cu poco acogida dialuna atardi. Mientras a cana bay direccion Bestuurskantoor y Parlamento di Aruba por a tuma nota di e grupo chikito di maestro/ sostenedonan cu e biaha aki a forma parti di e manifestacion, cu a sali for di DOW direccion di Gobierno.
Disgusto ta hopi grandi bou di un parti di e maestronan, peticion tabata uno sumamente importante mientras esnan cu a presenta no tabata e mustra respaldo cu a spera. SIMAR cu ta representa maestronan a bin cu peticion drastico di baha e actual Minister di su cargo y pone esaki den man di otro mandatario.
Pa logra esaki mester mas union/ sosten pa demostra cu realmente locual ta pidi tin e sosten tambe na momento di yega dilanti Gobernantenan. Ta evalua si acaso cu tur hende a manifesta nan disgusto den diferente biaha caba sin haya resultado of si acaso ta spera un accion mas drastico na caminda, ta loke a causa e poco acogida.
Lo keda den contacto cu SIMAR pa haya sa kico por spera na caminda, mirando cu a yama un manifestacion pa diabierna awo atrobe.
