Manifestacion grandi: Pueblo di Corsou ta pidi pa Gobierno baha AWE

Diaranson merdia, den careda di 12:00PM un grupo grandi di empleado publico di nos hermana Isla Corsou a drenta den marcha rumbo Punda pa asina manifesta nan mal contento contra e Gobierno actual.

Igual cu ta pasando riba Aruba, na Corsou tambe tabata tin ahustacion den salario caminda a kita 12.5% riba salario di cada trahado. Un disgusta masha grandi tumando luga y ta pidi retiro inmediato di Gabinete Eugene Rhuggenaath.

Por a tuma nota di multidud di hende cu a sali for di Entrada principal ( Post #5 ) di Refineria Isla direccion Forti, caminda Gabinete di Gobernador di Corsou ta situa. Akinan ta caminda cu e situacion a cuminsa escala, manifestantenan a kibra candal drenta Forti y mester a pidi presencia di Riot Team pa drenta accion y purba domina e situacion. Manifestantenan no tabata mucho contento y a cuminsa pusha fuertemente contra autoridad. 

Manifestacion grandi: Pueblo di Corsou ta pidi pa Gobierno baha AWE

Manifestacion grandi: Pueblo di Corsou ta pidi pa Gobierno baha AWE. Click link pa mas https://24ora.news/2BERDqk

Posted by 24ora on Wednesday, June 24, 2020

Manifestantenan ta actualmente dilanti porta di Ministerio di asuntonan General sinta riba na vloer cu intencion di keda eynan te ora nan haya oido di e Gobierno.

Breaking News:

Posted by TeleCuraçao Antilliaanse Televisie Mij on Wednesday, June 24, 2020

Miembro di Riot Team a los tiro di advertencia pero esaki no a yuda e situacion, alcontrario e multitud a bira mas furioso y te cu awo akinan tur cos ta sumamente tenso den e area. Den manifestacion por a mira grupo grandi di personal di Selikor ( cu ta compania igual cu Serlimar aki na Aruba ) como tambe empleadonan publico cu ta pidi/ exigi pa e Gobierno tuma su retiro awe mes. 

Update: polis ta fòrsa manifestantenan sali foi Punda

Posted by Vigilante on Wednesday, June 24, 2020