Luis Zarraga, personahe di radio y television Venezolano pero biba na Aruba for di hopi aña caba awe a lamenta e posicion di Gobierno relaciona cu e manifestacion cultural cu a organisa pa diaranson otro siman pa 7:30pm na Paseo Herencia Mall. Parce cu Polis a “conseha” e shopping mall pa miho no permiti e evento, bou miedo cu otro gruponan por lanta un contra manifestacion eynan, net dilanti turistanan.
Pa e grupo organisando e evento, e decision aki di Polis y Gobierno ta totalitario y contra democracia. Con por ta posibel cu un manifestacion cultural cu cuarta y harpa Venezolano por ta un peliger pa orden publico di nos isla? Luis Zarraga ta puntra su mes con lo reacciona ora henter mundo uni na e manifestacion cultural di Venezolanonan pero mester bisa e ora cu Cuba y Aruba so no a permiti e Venezolanonan pa expresa nan opinion aki.
E personahe di media Venezolano a sigura na final cu e evento lo continua, solamente no na Paseo Herencia y no riba e fecha di 23 di januari manera henter mundo si ta haci’e. A keda di laga sa te ki dia ta pospone e evento cultural aki awo.
