Diamars den oranan di atardi, e manager di AruTram a keda deteni. Tin un keho entrega contra dje pa malversacion. El a cuminsa traha eynan desde inicio di AruTram na December 2012. Anthony Geerman ta su nomber. E tabata Polis den pasado y despues a traha na aeropuerto na AGS como COO. E tabata hefe di operacion na AGS. Despues di Polis hasta el a traha como piloto prome cu el a bay AGS. Awor aki e tin keho pa sospecho di malversacion cu compra di mercancia pa AruTram. Ademas di gerencia di Arubus cu a entrega keho, tin compania manera SevenWorld cu tambe a entrega keho pa falsificacion di factura entre otro. E Tabata handle Petty Cash di e compania. Y cu esaki e Tabata malversa e placa. Tabata manda recibo pero no tabata deliver e producto. Recherche Tabata bezig pa algun siman caba. Desde cu a entrega keho contra Anthony Geerman, a mande su ontslag mesora. E mes a core yega tambe y simultaneamente a entrega su carta di retiro. E tabata na cas pendiente investigacion y finalmente fiscal a duna ordo pa detencion. Anthony Geerman ta naci na Feburary 1968. E tabata tin un salario di mas cu 5000 Florin na AruTram. Te awor aki ta sospecha di suma malversa di riba 100 Mil Florin. Parce ta for di 2014 e ta haciendo esaki y den e caso aki gobierno bou liderazgo di Mike de Meza a cuminsa e investigacion cu a conduci na detencion.
