Caya grandi, segun Audrey Croes-Lacle, for di 1996, MAMBO a nace. E tempo ey tabata tin un otro gerencia cu tabata sra. Daryanani-Mahtani, Elliott, Oduber. Esey a cuminsa ora cu globalisacion a drenta Aruba. E miedo di globalisacion a haci cu e comerciantenan a trata di uni y a yama MAMBO, e tempo ey caba Croes-Lacle tabata un miembro.
Despues a bin cu a bisa cu nan tabata baha nan nervio un tiki y MAMBO tabata un tiki dormant e tempo ey. Despues di esey a coy e timon y dicidi di organisa diferente cos. Entre otro un trolley pa yuda e movecion den caya. E trolley aki a costa basta placa. A haci asamblea general unda cu a trece e ideanan na e miembronan. Tabata tin diferente escogencia. Kier a bay pa musica sincronisa den caya, tabata tin diferente plan. Finalmente den e asamblea general a scoge pa e trolley. Lamentablemente ora cu e trolley a yega Aruba y a purba di hay’e taxfree, pasobra esaki ta algo pa beneficio di centro, esaki no a logra. Tampoco ora di duna e trolley sosten pa oper’e, tampoco e sosten tabata tey.
Ta pa e motibo ey, Croes-Lacle ta boga pa e organisacion ta den forma di un rechtspositie, pasobra e no lo logra nunca. E trolley tabata core free, si e comerciantenan pone propaganda abordo. Pero ora cu comerciantenan cay afo, nan no kier colabora, bo no por sigui cu un proyecto asina aki. Esey a haci cu entre e problemanan cu tabata tin cu Arubus, cu a wordo cobra hopi caro pa parkeo, e chauffeurnan cu no ta na ora of tin AO, no tin chauffeur pa e dia ey pa e trolley, esaki no por a sigui den e manera aki. A pasa hopi tempo tratando di haya operacion pa e trolley aki. Finalmente mester a termina bendiendo e trolley na prijs di baca flaco y awendia e ta para na lighthouse como un truck cu ta bende coco, batido y otro refreshments.
E situacion
For di e tempo ey caba ta boga pa tin atencion pa caya grandi. Ora cu a bin cu e idea di cambio di caya, tur hende a wanta, sperando cu bon tempo ta biniendo. Pero luga di bira miho, el a bira pio. El a prueba manera cu nan ta bisa tambe den e repport di Schwarts, cu tin luga cu bo ta haci fout, cu no ta apto pa wordo cera, e ora ey tambe bo mester tin e mesun curashi pa revers’e.
Motibo di habri caya
Tin hende cu a bisa cu lo habri caya grandi si nan tey. Nan tey awe, pero caya grandi no a habri ainda. Segun Croes-Lacle, ta boga pa habri caya pa auto por core, aunke cu ta den e cayanan adhunto den dia y anochi pa nan por pasa den caya. E control social mester tey. Ora cu e caya ta bandona completamente cu tur e rolluiken ta abao, socialmente no tin nada. No tin hende ta biba den caya. Bo ta haya cu nan ta kibra den un luga cu auto ta pasa, y hopi lihe ta haya sa cu kibrando. Pero ora no tin bida den caya, vandalismo, na gran escala pasobra ningun hende ta wak. Cuanto ta sigui paga na seguro, na security. Nan ta bisa cu e bista ta mahos. Pero si haya cierto bentaha fiscal tambe pa por desaroya e parti ariba di hopi luga den caya pa bin cu vivienda, por ripara cu e poblacion ta cambia. Bo tin hopi hoben divorcia cu lo kier biba den studio appartments. Tin studiantenan cu ta bin di afo cu por probecha di dje. Vooral awo cu ta bisa cu Trump ta nenga e visa pa e muchanan bay studia of keda Merca pa cierto estudio. Ta haya cu nos lo por probecha di esey door di trece universidadnan na Aruba, pone e huising den centro, crea ambiente. Un bon luga cu nan por studia ta, cu ta Rotterdam, cu a haci un cambio grandi. Pakico nos no lo por bira esaki y ta un win win situation.
DOW a yega di nenga
DOW a yega di opone algun biaha pa trafico pasa den caya mirando e inversion. Croes-Lacle a splica di no comparti e filosofia aki. E klinkernan mester wordo manteni tur caminda, cu auto pasa of lag’i pasa, e tera ta sak, cosnan mester wordo constantemente drecha, y pa haci esaki mester aloca presupuesto. Mester traha organisa pa tin nan in place.
