Mama y yiu a fayece den accidente na Corsou

Un mama hoben di 19 aña y su yiu chikito di 1 aña a perde nan bida hunto diabierna mainta na Corsou.

E accidente aki a sosode riba Helmin Wiels Bulevar y Moonchiweg, ora cu un KIA Picanto a alcansa e mama y su yiu na momento cu nan tabata crusando caya. Na yegada di e unidad, nan a bin topa un mama y yiu cu tabata gravemente herida. For di investigacion preliminar cu polis a realisa na e sitio, a sali na cla, cu e mama cu na e momento ey tabatin e yiu den su brasa a bay crusa caya, net na momento cu un vehiculo tabata acercando, biniendo for di Julianadorp bayendo den direccion di Otrobanda. Y e vehiculo aki lo mester a alcansa ambos persona.

Mama y yiu a fayece den accidente na Corsou

Mama y yiu a fayece den accidente na Corsou. Click link pa mas https://24ora.tv/30jPlV3

Posted by 24ora on Friday, August 16, 2019

Alrededor di 07.30’or dokter di polis a constata morto di e mama y e yiu cu a bin fayece na e sitio di accidente. Ta trata di: Julianne Maria Joe, naci dia 15 di november 1999 y Giun-drick Joe, nace dia 10 di februari 2018, ambos naci Corsou. Riba ordo di fiscal di Ministerio Publico a confisca e curpanan sin bida pa mas investigacion. Siguiendo cu e investigacion polis a detene e chauffeur, J.O.C., di 39 aña, y a confisca e vehiculo pa mas investigacion. Personal di trafico ta continua cu e investigacion. Na famia ta bay palabra di condolencia.