Mama y tata di Camilo Sosa tabata na corte cu un grupo, caminda cu nan tabata para manifesta dilanti di Corte, unda cu nan ta pidi pa husticia.
Raquel Sosa, mama di Camilo a splica cu nan tin e fe y e ta confia den husticia cu awe por fin pueblo di Aruba por keda un tiki sigur cu awe si husticia ta bay prevalece. Como cu tur hende sa, pueblo di Aruba ta cansa di e castigo cu e criminalnan aki cu ta haci malo na Aruba, ta haya tiki aña cera.
Mama y Tata di Camilo Sosa ta para fuerte na Corte pa husticia
Mama y Tata di Camilo Sosa ta para fuerte na Corte pa husticia
https://24ora.tv/2ZnMZn0Posted by 24ora on Friday, June 14, 2019
Awe si, husticia terenal y husticia divino di Dios ta bay prevalece. Raquel Sosa sa cu cu e persona cu a kita su yiu for di dje y daña e hogar cu tabata tin, ta bay ricibi e castigo cu e merece.
A reuni cu fiscal diaranson y e ta confia den dje. E ta lag'e pensa bon cuanto aña exactamente e ta bay pidi pe, diacuerdo como trayectoria di e persona cu a mata e yiu.
Tata di Camilo Sosa, Jose Alejandro Careño, a splica cu e sa cu husticia ta bin pa e caso di e yiu. Ta momento pa tur cos na Aruba mester cambia, pasobra e castigo cu ta bay pa criminalnan, manera asesinonan y tambe abusadornan di mucha, mester cambia. E mester ta un castigo ehemplar. E famianan ta warda y spera pa husticia prevalece.
