Famia, coleganan di banco y amigonan, tabata na e rotonde cerca di Superfood, caminda cu e hoben Ferdinand Hsing a hala su ultimo rosea. Nan a reuni pa asina haci algun oracion na e sitio. Ta momentonan di dolor pa e famia.
Coleganan tabata den un celebracion e anochi prome y despues di esey el a sali y a haya su mes den un accidente den oranan di marduga, cu consecuencianan fatal. Coleganan a bin na e sitio di e tragedia, como tambe e mamanan y padrastro a bin pa asina nan por a haci un oracion. E hoben tabata unico yiu homber cu a fayece den un accidente fatal.
Advertencia
Ta 18 rotonde nobo Aruba ta bay conoce. Den e proceso aki di 18 rotonde nobo, a premira cu e rotonde traha cu muraya rond di dje, por tin consecuencia pa esnan cu ta haci uzo di e caminda aki. Y berdad por a mira claramente kico a sosode, unda cu un hoben di 31 aña, cu un bon trabao, nice hende, bon famia, a haya su mes den un desgracia hopi serio, riba e rotonde di Superfood.
E auto a bin straight dal den e rotonde. Tin mas muraya asina aki. A conoce hopi accidente riba rotonde. Autonan ta subi rotonde, ta keda kibra, pero hende a keda bon. Awo a traha un muraya riba e rotonde, e ora e ta bira un muraya mortal.
Un persona ta bin cu soño of cansa. Nos por evita cu un hende por ta cansa, cu pasa un rotonde voorbij, haya su mes den un desgracia asina serio, cu hasta ta costa su bida. Manera cu tabata e caso di e hoben aki. Ta bira e prome morto den trafico. Tin cu evalua awo.
Murayanan ta traha y tin mas rotonde cu muraya. Por spera mas desgracia. Loke kier a pidi ta, pa toch e caminda cerca Superfood, cu ta cuminsa cu un bocht, cu un tempo tabata straight banda p’abao, no tin iluminacion y por pone tambe e baricadanan oranje, riba e ruta pa mustra cu anochi, ora ta scur, cu no tin luz, cu e caminda tin un birada. Tin cu bira y sigui bay. No por baha caminda y sigui straight. Den e caso aki e hoben a baha caminda, bin straight. Kisas tabata tin un sleeping police of un borchi pa alerta cu ta yegando rotonde, kisas un hende cu tabata cansa, lo por a wordo spierta.
Loke tin cu haci ta pa alerta chauffeurnan, pa evita pa tin desgracia riba caminda, manera cu a sosode na e rotonde.
Awe, famia y coleganan ta yorando. Nos tambe tin un dolor. Nos kier a anunci’e mas cu 2 siman pasa caba. Pero nos tabata laat y no a haci’e. Awe nos tin cu anuncia y pa purba evita un caso lamentabel y purba evita mas consecuencia serio, fatal, manera ta e ultimo caso cu a sosode diasabra den oranan di marduga.
