Mama mes tabata yuda e tata: A detene mama y tata cu a comete actonan sexual cu yiunan menor

Diamars madruga Jeugd en Zeden polis a haci un entrada hudicial na un cas na San Nicolas. Eynan Jeugd en Zeden Politie a detene e homber di inicialnan D.A.P.T naci na Republica Dominicana y su señora V.V.V. naci na Aruba tur dos sospecha di a haci “ontucht” cu dos yui biologico di nan dos y dos yiu di criansa di e homber y yiu biologico di e muher.

Hues Comisario y departamento manera Crimen Organiza y Polis Technico a yuda Jeugd en Zeden Politie den e entrada hudicial aki.
Mester bisa cu ta un denuncia cu Jeugd en Zeden Politie a haya na luna di juni 2020 y a traha duro ariba esaki pa por haya e autorisacion di Ministerio Publico pa por a detene e pareha. E edadnan di e muchanan ta respectivamente 1,3,11 y 12 aña.

E mama segun informacion tabata full na altura di loke tabata pasando. E mes tabata yuda e tata pa comete e actonan cu e muchanan. Algo hopi tristo.