Mama di studiante Arubiano perdi na Leiden

E studiante di 24 aña, Gilian Boekhoudt ta desespera. Su mama ta for di Aruba, cu ta kedando cun’e den Leidse Verdistraat den e parti zuidwest di Leiden durante tres luna, y a disparce sin laga rastro diasabra.

Su mama, Mira Florez Sanabria, di 54 aña, a sali for di cas diasabra mainta, rond di 11’or pa coy un bus pa bay den centro pa haci compras. “E parada di bus ta aki mes dilanti porta,” e yiu muhe ta bisa. Ora cu el a tarda, su yiu muhe a purba di yam’e. “A contesta e telefon despues di un minuut. Pero ningun hende a bisa algo. Y despues a cera e telefon.”

Boekhoudt, cu ta studiando na Leiden durante un aña, no ta kere cu su mama no a regresa boluntariamente despues di haci compras. “E no ta papia Hulandes y e no ta papia Ingles. E solamente lo a bin bek. Esaki ta prome biaha cu algo asina ta sosode. Realmente mi no sa kico por a pasa.”

E studiante a bin ta buscando su mama desde cu e no a bolbe di haci compras.” Mi a busca den e ciudad diasabra anochi y mi a sali bay caya seis of shete biaha diadomingo. Mi a busca den caya, mi a puntra hende. Pero Hulanda ta asina grandi.” No ta trata di un perdida urgente pa polis. “Nan ta bisa: nos tin cu warda. Mi ta compronde cu ta asina ta pasa na Hulanda. Mi tin cu lidia cu esey.”

Boekhoudt ta spera di por rastrea su mama a base di dato di su carchi cu e OV chip. Pero ainda no por a hay’e. “Servicio di train Hulandes solamente por duna e informacion ey na polis. E ora mi tin cu warda cu esey. Mi no sa cuanto tempo esaki lo tuma.”

E yamada di espera pa Mira Florez ta wordo distribui atrabes di rednan social. E studiante no tin mucho informacion di activa personanan pa busca su mama. “Mi tin un aña bibando na Leiden. Mi no conoce hopi hende aki.”

Comments

comments