Den oranan di anochi a drenta confirmacion cu e tragedia di Hulanda a conoce su di cuater victima. Manera ta conoci den oranan di atardi na Aruba a drenta informacion cu e homber Juni Cardoze, den un acto di drama familiar a tira su casa, su dos yiunan y su mes. Prome informe ta bisa cu den e acto aki, e agresor a muri na e sitio mes y tambe su dos yiu muhenan chikito, mientras cu e mama, esta Marjori Gresmann, a resulta gravemente herida.

Despues di a lucha algun ora pa su bida, a drenta e noticia cu lamentablemente dokternan no por a haci nada mas p’e.
E tragedia aki a tuma luga na Dordrecht unda cu e pareha, kende tabata den proceso di divorcio, a bin ta discutiendo formalmente ultimo tempo.

Y dialuna anochi den un acto di desesperacion e homber Cardoze a dicidi di pone fin na su problema, kitando bida di henter su famia, incluyendo di su mes.
24ora.com ta manda palabra di forsa na famia di tur e victimanan.

Comments

comments