Maltrato severo y agresor deteni den Caya Mangashina

Diasabra den careda di 9:45PM varios unidad di polis a presenta na Caya Mangashina na Mabon pa un caso di maltrato.
Na yegada polis a bay papia cu e victima, cu a confirma e sucedido y e agrecion y maltrato cu el a ricibi.

Mesora polisnan a bay over na detene e agresor y asina pidi pa dogcatcher pa asina transport’e pa warda di polis. Akinan ta unda cu nan lo bay presente dilanti sub fiscal, si acaso e lo keda deteni of e lo sali den libertad.

A compronde cu e victima lo a ricibi hopi golpi na cara. Den e proceso durante su detencion, e agresor mes tabata conta polis con e boroto a cuminsa y a escala te cu el a bira un parti sla caminda el agredi e victima.