Maltrato di muhe na Tanki Leendert pero victima no kier a entrega keho

Tabata falta algun minuut pa e dia di diamars caba ora a drenta informe cu un caso di maltrato a tuma luga na Tanki Leendert.

Patruyanan a yega na e sitio cu ta e supuesto cas di e pareha, pero a topa cu un cas den completo scuridad. E Polisnan asina mes a baha y a saca nan flashlight pa cuminsa lusa riba e cas y a cende e zwaailicht tambe. Un señora a sali for di e cas y a splica e Polis cu na su cas no tabata tin niun maltrato y cu e no sa di nada.

E agentenan Policial no a give up y a cuminsa busca den area ey mes.Despues di algun minuut un señora a bin na pia y a aserca nan. Asina e señora a cana cu nan, guiando nan pa e adres corecto. Na e adres mes Polis a cuminsa intermedia pero na final e señora no tabata kier a entrega keho di maltrato contra su mesun pareha.

E polisnan a haya nan mes ta djies duna e homber un bon scual y a adverti’e cu si yama nan atrobe pa e adres pa maltrato, cu e ora sigur lo bay tin su consecuencia.Polis despues di a duna e homber su scual, a bandona e sitio.