Tropical Botting Company tin un breakfast tour di Malta Balashi. Nan a bin cu un bachi nobo. E mesun sabor, pero e tin un estilo mas moderno, segun Shandee Fernandez Pedra, marketing representative di Coca Cola.
E ta sigui splica cu a tuma inspiracion di e bandera di Aruba, door cu e ta un malta produci localmente, kier a tene realmente di Aruba. Fernandez Pedra a agrega cu aworaki nan tin e breakfast tour andando, p’asina mustra tur hende e bachi nobo. Cada compra na un di e establecimentonan di desayuno cu a participa, entre otro Welcome Snack Back, Bright Bakery y Huchada, ta haya un malta gratis cu cualkier compra di un producto di nan.
E obhetivo ta pa tur hende por mira y sinta e estilo nobo di Malta Balashi y pa tur ta orguyoso di e look nobo.Shandee Fernandez Pedra kier a invita tur hende pa bishita cualkier supermercado of snackbar, cumpr’e, wak con nech’i e look nobo di Malta Balashi ta.
