Majoria parti di Korsou ta sin koriente. Aqualectra trahando riba solushon!

Koriente a bai rònt Kòrsou awe mainta

Aqualectra ta informá ku henter Kòrsou a pèrdè koriente alrededor di 10:15 awe mainta. Nos por papia di un asina yamá “Blèk-out”.

Ainda ta buskando e origen di e blekout pero e promé informashon ta mustra ku esaki muy probablemente tin di haber ku un Transformador na Refeneria Isla ku pa motibu di un kandela a kai afó.

Esaki tabata tin komo konsekuensia ku e ret di koriente manehá dor di Aqualectra a kai afó den su totalidat.

Nos tim di téknikonan ta trahando duru pa solushoná e suseso aki, ku for di aña 2006 no a tuma lugá, na Kòrsou.

Update situashon di koriente.

Posted by TeleCuraçao Antilliaanse Televisie Mij on Monday, November 4, 2019

Ta den ekspektativa ku den aproksimádamente dos ora Kòrsou kompletu tin koriente bèk.
Nos diskulpa pa e inkumbenensha.

Informashon adishonal

Nos a ser informá ku lo por dura ± 6 ora promé ku re-establesé utilidat.

Aqualectra trahando duru pa pone koriente bèk.

Posted by TeleCuraçao Antilliaanse Televisie Mij on Monday, November 4, 2019

Tumando esaki na kuenta, Gerensia di Refineria Isla a tuma e desishon di laga tur trahadó den sektor atministrativo òf ku no ta nesesario pa seguridat di nos plantanan i instalashon, bai kas te próksimo aviso.

Nos lo mantené bo na altura di kualke informashon adishonal.