Algun luna pasa a anuncia via di rednan social cu Majestic Carnival Group ta preparando pa asina forma parti di Aruba su di 65 celebracion di carnaval.
E reaccion tawata uno super positivo y cu hopi entusiasmo esnan interesa a cuminsa hasi pregunta y pidi mas informacion pa cu e tema y otro detayes nan. Debi na e demanda Majestic Carnival Group lo ta organisando diaranzon awor un “get together” na unda cu lo revela e costume nan y tambe lo duna mas informacion riba e prijs di e diferente paradanan cu Majestic lo ta participando na dje. E tema cu lo wordo tresi riba caminda lo ta “God & Goddesses of Carnival 65 di cual e massa lo representa e tema di Love & Desire”. Banda di e massa tambe Majestic lo conta cu 4 seccion, Gods of the Arts, Gods of the Oceans, Gods of Wisdom cu sigur lo ta hopi bunita manera ta custumber di e grupo di Majestic. Mester menciona cu seccionan ta yen y ta resta solamente algun lugar mas den un di e seccionan. Durante e anochi aki e banda di Majestic cual ta BMW lo deleita tur presente cu nan dushi musica y asina pone un y tur den e ambiente y duna un tiki di loke por wordo spera den paradanan. E prijs di introduccion tambe lo wordo anuncia e anochi aki y mester remarca cu esaki lo ta disponibel pa un dia so y na un cantidad limita. Bini uno bini tur y pasa admira loke Majestic lo trese riba caminda den Carnaval 65, esaki lo ta riba parking lot di Body Locker situa na Morgenster 43-G for di 7 or pa 9 or di anochi. Si tin cualkier pregunta por tuma contact via Facebook page di Majestic Carnival Group.
