Magic FM, studio di grabacion pa e cancion ‘Un Eternidad’

Recientemente, Rygell Isabella y Dwight Leoneta a composita un cancion yama Un Eternidad. Y pa a graba e cancion den version acustico, e talentoso Ron Martis y Chris Kross riba guitara tawata e duo perfecto.

Magic FM cu orguyo a habri su portanan pa graba e cancion Un Eternidad den su studio. Como cu e studio di Magic FM ta uno profesional y eficiente, aparte di ta un “live studio”, e musiconan a escog’e como un “recording studio”.

Durante oranan di atardi den luna di februari, e team completo a reuni na Magic FM na South Beach Centre y asina demostra nan talento den e studio profesional. Aparte di Un Eternidad, den pasado a graba e cancion Beautiful den forma acustico tambe na e studio di Magic FM. Magic FM ta gradici Rygell, Dwight, Ron y Chris pa e oportunidad aki y ta desea nan tur clase di exito cu e cancion. Staff di Magic FM ta spera cu esaki por ta uno di hopi mas grabacion di nos musiconan local na e studio.