E integrantenan di Madness Band, participando pa prome biahe den Caiso & Soca Monarch, ta den un preparacion intenso pa algun dia caba.
Director Musical Michael Lampe a bisa cu nan lo ta participando cu cinco (5) cantica pa nan cinco participantenan cu ta: Trini-T, Cata Pirata, Johnny Bee, Boss Lady y Robert Yeah. Nan lo tin presentacion riba e prome dia, cu ta dialuna, y nan ta banda no. 2.
A haci un rehearsel general cu a demostra cu a logra hinca tur cos bon den otro. “Nos ta den full preparacion. Nos ta invita Aruba completo pa acudi na e festival di mas grandi di Aruba cu ta Caiso & Soca Monarch.”
