HEINEKEN fast pitch di Aruba Softball Bond dedica na dos baluarte Jacobo Jansen y Gilbert “ Nando” Maduro a continua fin di siman na canchanan di Pos Chiquito. Den categoria AA e dos rivalnan Jay’s Tire a enfrenta Macuarima Spark Elektra. Macuarima a pika ariba 3-0 den cabez di promer inning. Jay’s Tire ta responde cu un inning grandi den bom di dos y ta anota 9 careda pa bolter e score.
Macuarima ta keda preciona y ta bolbe score 4 den cabez di 3 mientras Jay’s ta reaciona cu dos mas den bom di mesun inning. Den cabez di 6 inning Macuarima ta rally pa 5 careda pa bolter e score y seya e victoria. Boxscore final Macuarima 14 careda, 16 hit, 0 error y ta laga 11 coredor na base. Jay’s Tire 11 careda, 8 hit, 2 error y ta laga 8 coredor den circulacion.
Macuarima como equipo a bay di 30-16 pa un averahe di 533 y Jay’s Tire como equipo a bati 21-8 pa un averahe di 381. Mihor bateadornan pa Macuarima Spark Elektra ta Joshua Leañez 4-4 cu 3 careda anota mas 3 impuha, Edgar “Eddie” Flanegin 2-2, Jean Pierre Geerman tabata “redhot” y a bay di 5-4 cu 4 rbi, Arjen Mathilda 3-2 cu un doblete mas 2 rbi, Ray Bernabela di 3-2 y Zefrinthian Kerr di 2-1 cu 2 rbi. Pa Jay’s Tire a destaca na plato den causa perdi Jason Orman 3-2 cu 1 doblete, 2 careda anota y 2 impuha, Sando Geerman di 3-2 cu un doblete y 2 rbi, Gianmar Alders di 2-2. Revelino Silie ta lansa 1 inning y 1 tercio ta wordo releva pa Lucio Geerman cu no por a sera e inning unda finalmente Arjen Mathilda ta drenta releva y ta pone e victoria riba su nomber. Arjen Mathilda ta enfrenta 21 bateador tirando 42 bola y 42 strike pa un total di 84 pitch permitiendo 3 careda limpi tras di 4 hit ponchando 1 bateador y ta regala 6 base por bola.
Erick Henriquez kende ta drenta releva Jorge Santana Cortina ta tira 23 bola, 34 strike pa un total di 57 pitch permitiendo 6 careda tras di 8 hit ponchando un bateador y ta regala 2 base por bola mester conforma su mes cu e derota riba su nomber. Ultimo wega di campeonato regular ta dialuna awor 8 pm na Pos Chiquito unda Macuarima lo enfrenta Celebrities y diamars 715pm y 9pm lo tin e dos promer weganan di Play Off. Fanaticada ta keda cordialmente invita pa e play off cual ta ranca Sali diamars awor.
