Siman pasa a tuma luga e competencia di bodybuilding Olympia Amateur na Orlando, Merca. E Arubiano Lyndonn Escudero a conta su experiencia den participacion di esaki. Segun Escudero e tabata un experiencia hopi dushi y algo nobo mirando cu esaki ta prome aña cu el a dicidi di cuminsa competi den e deporte aki y ta prome biaha cu el a competi afo.
Na juli el a competi den e competencia di Mr. Aruba cu a tuma luga na Cas di Cultura. Tabata despues di esaki cu su coach, Joan Cannegieter a bin cu e idea pa e bay competi den Olympia Amateur. Escudero a subraya si cu e ultimo aki tabata ful un otro experiencia mirando e magnitud dje evento.
Categoria di Lyndonn Escudero mes tabata ‘Men’s physique’ y el a conta cu e training tabata similar na esun pa Mr. Aruba pero si un tiki mas duro y pisa ya cu e mester seca un tiki mas.
Den cuadro dje competencia, Escudero a cay den klas B den cual tabatin un total di 27 participante di rond mundo y el a logra bay cu e di tres luga cu solamente ocho luna di preparacion.
Pa cobertura mas amplio lesa edicion di TREMPAN mañan.