Luna Foundation, hunto cu Nine Lives, tin nan dia di adopcion. Abo, cu ta desea di haya un mascota, tin e chens pa haci esaki. Shuska Kock, di Luna Foundation, a splica cu esaki ta nan di dos dia di adopcion. Si bo tin mester di un compañante, sea cacho of pushi, bo por pasa.
Luna Foundation tin varios cacho, puppies y cacho grandi tambe. Tambe por haci un cita pa adopta bo mascota.
Luna Foundation un biaha mas presente pa nan adoption day
Posted by 24ora on Saturday, July 27, 2019
Prome cu adopta, Luna Foundation ta pasa cas y wak si bo tin cura. Tambe ta nan ta haci vetcheck. E cachonan cu nan ta duna na adopcion ta cachonan cu nan ta rescata. E prijs pa puppy ta 150 florin y cacho adulto ta 125. E prijsnan ta encera nan sterilisacion, nan chip y nan vacuna.
Haci cita
Pa esnan cu haci un cita, nan por haci’e via Facebook of tambe por yama Shuska na 7341979 y por haci un cita, pa asina por wak e cachonan.
Nine Lives
Geraldine, vice presidente di Nine Lives Foundation, a splica tur luna nan ta haci dia di adopcion hunto cu Bestial Petshop. E biaha aki a invita Luna Foundation. Normalmente hende ta bin y ta puntra nan pa cacho. Nine Lives Foundation ta uno di pushi.
Ora cu adopa un pushi, ta 75 florin. Awe e ta 40 florin.
Kico e ta inclui
Esaki ta inclui e castracion of sterilisacion di e pushi. Ta invita pueblo pa pasa te cu 4’or y bin adopta mascotanan, tanto pushi como cacho pa por sigui yuda e otronan riba caya.
Ainda bo tin chens
Por tuma contacto cu Nine Lives Foundation via nan pagina di Facebook of pasa na Kudawecha 79 unda e fundacion ta. Eynan tin tur sorto di pushi di tur sorto di colo y edad, cu nan por wak y adopta.
Si bo tin interes di adopta of un pushi of cacho, esaki ta bo oportunidad. Luna Foundation y Nine Lives Foundation tey te cu 4’or dilanti di Bestial Petshop. Un mascota sigur lo ta un adicion bunita na bo famia.
