Un biaha mas Luna Foundation ta teniendo su Dia di Adopcion, e biaha aki durane e Tent Sale Event di WEMA Ponton te cu 2’or y mey di merdia, specialmente pa tur esnan cu kier adopta un puppy.
24ora.com a papia cu Shuska Kock di Luna Foundation, kende a conta cu nan a join WEMA cu su Tent Sale Event, mirando cu e ta un luga ta bon bishita. Y si bo ta interesa pa adopta un cacho, nan ta costa 150 florin, encerando e sterilisacion di e cacho.
Luna Foundation adoption day
Posted by 24ora on Saturday, July 6, 2019
Awor aki nan tin mas of menos 5 puppy, pero tin mas puppy y cacho. Si kier sa mas di esey, por bay riba nan pagina di Facebook. Eyriba tin potret di tur e cachonan cu ta cla pa haya un hogar y por haci un cita tambe pa bin mira nan.
Asina ta awe ainda te cu 2’or y mey bo por pasa busca bo puppy of si bo tin cualkier pregunta, por pasa cerca e voluntarionan di Luna Foundation na e Tent Sale Event di WEMA.