Luna Foundation cu Dog Funwalk dia 25 di augustus proximo

Luna Foundation ta bay tin un caminata proximamente. Shouska Kock y Rhina Jansen, boluntario y coordinador na Luna Foundation respectivamente, ta splica cu dia 25 di augustus, ta bay tin e Luna’s Fullfilled Dog Walk. E idea ta pa bo cana cu bo cacho y si bo no tin, no ta nada. Luna Foundation tin cacho cu bo por cana cun’e.

E evento ta di 7’or y mey pa 11’or y mey di mainta. Ta sali for di Brandweer bay Wilhelmina Park y bek. Prijs ta 10 florin pa persona. E funwalk aki ta pa conoce kico Luna Foundation ta haci cu animalnan na Aruba. Vooral esnan cu no tin doño. Tambe ta haci’e pa recauda fondo. Luna Foundation no ta rescata, pero tin biaha nan ta haya cu nan tin cu yuda algun animal cu ta pasando den varios problema di salud. P’esey en realidad nan ta haci e actividad aki.

 

Luna Foundation cu Dog Funwalk dia 25 di augustus proximo

Luna Foundation cu Dog Funwalk dia 25 di augustus proximo. Click link pa mas https://24ora.tv/2TzvvCv

Posted by 24ora on Wednesday, August 14, 2019

Segun Rina Jansen, Luna Foundation ta un fundacion cu ta duna informacion na scol. Nan ta educa y conscientisa muchanan en particular, pa nan yega cu e mensahe na nan mayornan cu mester cuminsa sterilisa cachonan, sea na cas, of bo tin un bisiña cu no tin cura y tin un cacho pa su cuenta, bo mester sa cu mester sterilisa, pasobra e poblacion di Aruba no por carga e problema di animal riba caya awendia.

Luna Foundation kier pa hende di Aruba bira doñonan responsabel. Mester percura pa e cacho. No mara e cacho na cadena den solo. E mester tin un dak, awa, cuminda, medicamento, etc. Esey ta purba di educa, principalmente na e scolnan y pa despues e mucha hiba esaki pa nan mayornan.

Gravedad

Segun Shouska Kock, e gravedad ta grandi. Tur dia nan ta haya mensahe di doñonan cu ta maltrata nan cacho. E ta alarmante den e ultimo temponan. Awo cu killcage a cera vooral, nan ta hayando hopi di e mensahenan aki.

Pa informacion por bay riba nan pagina di Facebook, cual ta Luna Foundation. Eynan nan por haya e number di telefon di Zoe Konijn y tambe por manda mensahe pa cualkier otro pregunta.

E carchinan por haya na Animal Health Vet, por hay’e tambe na Animal Care Clinic, na Just for Pets Boulevard, Just for Pets Cumana, na Bird, Fishes and Dogs y tambe na Shrek’s Pethouse. Tambe cerca boluntarionan di Luna Foundation, cerca tambe Shouska, of Rina of cualkier otro boluntario, manda mensahe riba nan pagina di Facebook y por trece e carchinan.

Comments

comments