Diadomingo awo, riba Dia di Tata, ta bay tin un Dia di Adopcion cuminsando di 10’or di mainta pa 4’or di atardi, combina cu un Porch Sale na Keito 7-G.Esaki ta e prome Dia di Adopcion di Luna Foundation, hunto cu Animal Relief Foundation.

Ta trata di cachonan cu nan a rescata for di riba caya of di un doño cu tabata maltrata nan. Ta buscando un bon cas cu por duna nan hopi amor y cariño.Puppynan ta na balor di 125 florin y cachonan adulto ta 150.

Den e prijs ta inclui un vacuna y tambe ta inclui un sterilisacion y castracion, cual Luna Foundation mes ta paga ora cu nan tin e edad apropia, sea ta cinco of seis luna.
Fuera di esey nan tin un Porch Sale. E fondonan recauda ta pa paga nan gastonan na veterinario cual ta basta halto actualmente. Y door cu riba e dia aki ta Dia di Tata, tin snacks y coy bebe. E prome dies tatanan cu yega, ta haya un regalito.

Comments

comments