Luigi Marugg ta un di e tantisimo personanan cu ta practica e deporte di motociclismo y “drifting” cu nan ta yam’e deporte.
Den un evento publico a anuncia cu Luigi ta e prome persona cu ta participa den un evento internacional na Orlando pa duna un show di drifting y stunts. Luigi ta e prome cu a haya invitacion pa e show aki na Orlando, cu e ta spera cu lo habri porta pa e deporte aki cu hopi persona na Aruba ta practica.
E invitacion aki a bini debi na e contactonan cu Joselito Albertsz tin y kende a haci tur posibel pa e contactonan wordo estableci hunto cu La Nani Stephanie Pellot.
Pakico Luigi Marugg? Esaki debi na su experiencia no solamente local pero pafo di Aruba tambe. El a yega di duna show na Corsou y Hulanda. Awo e porta a habri p’e @La Nani Motorsport Fest 2021.
Localmente tin hopi hende ta practica e deporte aki riba caya, pa motibo cu nan no tin un sitio fiho pa haci nan trainingnan. Luigi a splica cu nan a bin ta negociando un area. A logra haya cooperacion di D22, pero door di COVID no por tin aglomeracion y no a logra avansa. Pero tambe nan ta den combersacion cu Palo Margo, unda e espacio ta hopi mas grandi. Awo ta practica na un espacio na Barcadera, cu a haya cooperacion di e doñonan.
Lamentablemente no tin un federacion, pero e grupo tur hende conoce nan y sa unda pa acudi si kier mas informacion.
E ta conseha tur hende pa tuma medida y training hopi pasobra e ta un deporte dificil y peligroso ora di realisa “stunt”nan. Training ta e miho herment.
