Pa 2019 Departamento di Impuesto (DIMP) ta mirando cu impuestonan ta drentando manera premira. Segun directora Luenne Pieters, ta keda tene bista si riba incumplimento, pasobra e incumplimento tabata aña pasa na 40%.

Si mira e totale bestand, 60% di e contribuyentenan tabata entrega nan declaracion, esnan cu a haya esaki. Awor aki mirando cu a implimenta e prome fase, e prome tanda di e proceso di digitalisacion automatisando tambe cierto procesonan, a bin ta saca naheffingsaanslagen desde april aña pasa pa esnan cu no ta cumpli.

Luenne Pieters (DIMP): Ainda tin 40% di contribuyente cu no a cumpli cu nan impuesto

Luenne Pieters (DIMP): Ainda tin 40% di contribuyente cu no a cumpli cu nan impuesto

Posted by 24ora on Thursday, October 31, 2019

Naturalmente esey ta haciendo dolor. Contribuyentenan ta lanta den protesta cu nan ta hayando cobransa cu boet pasobra nan ta un of dos dia laat. Pero esey ta trabao como departamento pa sigura cu e cumplimento ta sigui manera mester ta, sino nos tin un problema como pais.

Por ta miho

E cumplimento por ta miho. Awo e ta na 30%. E incumplimento tin cu bah’e un tiki mas. Ta papia di 10 of 20% di incumplimento, cual ta un tarea grandi cu DIMP tin cu bay eherce conhuntamente cu e contribuyentenan. Nos tur mester ta conciente di nos debernan fiscal.

“Constructing your city”

Tempo cu Pieters tabata na Marocco, e tabata tin combersacion cu funcionarionan tecnico cu ta traha riba e proyectonan di digitalisacion di e departamento di impuesto y a comparti cu Pieters cu nan a traha un wega (game) cu bo por download como un app via bo telefon. E tabata yama “constructing your city” (trahando bo mesun pais). For di chikito e muchanan ta siña con ta genera entrada pa por traha un scol, pa por pone un caminda, pa bo por tin un sistema di educacion, pa e hendenan cu ta biba riba e pais. Den un manera di wega nan ta siña e muchanan for di chikito, cu pagamento di belasting ta algo necesario pa un pais por progresa.

Por mira otro paisnan caminda e situacion ta diferente, caminda cu no tin pagamento di impuesto ta sosode. Departamentonan di impuesto no ta asina fuerte, caminda cu un pais ta sufri y esnan cu ta biba riba e pais tambe ta sufri den esaki, Pieters a comenta.

CAft

CAft a enfoca riba e incumplimento di impuesto. Por wak’e den diferente forma. Por wak e situacion no ta duna pa paga. Por ta tin negoshinan no ta cumpliendo manera mester ta, pasobra nan finansas no ta draai manera mester ta y ta pone cu no tin placa pa paga.

Bo ta percura pa paga salario di trahado, pero na momento di yega na paga belasting, e placa no ta yega.

Pieters ta mira e incumplimento y cumplimento di leynan fiscal ta semper algo cu DIMP ta bay deal cun’e como departamento. Pieters mes tabata tin combersacion cu CAft riba e tereno aki y tin cu wak kico ta midi. Mester sa kico ta bo punto di salida y kico ta eigenlijk bo ta benchmark cu otro paisnan den Caribe, kico ta aceptabel y no ta aceptabel como compliance.

Riba e tereno di compliance, Pieters no ta kere por uza e argumento cu e placa no ta yega na ora pa yega na Departamento di Impuesto. Si bo retene loonbelasting di bo trahado, bo tin placa pa paga trahado, bo ta retene e loonbelasting y primanan di AOW y AZV di nan. Ta bo deber como doño di negoshi pa bo paga tambe esey na departamento di impuesto.

No ta asina cu e placa ey bo ta uza como cashflow pa inverti den bo negoshi of den bo inventario, kico otro bo tin cu inverti den dje. E conciencia y tambe e conocemento cu DIMP ta keda responsabel ora ta trata no solamente di negoshi, pero tambe pagonan di impuesto, ta un deber di nos tur. No ta deber di Departamento di Impuesto pa wak con nan ta bay deal cun’e, pero con e comerciantenan ta asumi nan responsabilidad y paga di berdad loke nan tin cu paga den caha di gobierno. Esey ta e pago boluntario. Y si no tin e caso di pagonan boluntario, lo bira un pago obligatorio.

Si mira e trayecto di team di control di 2013 te cu september 2019, a coregi 100 miyon florin na entradanan di gobierno, cu no a wordo paga. Di e 100 miyon ey, sigur tin casi 30 pa 50 miyon na boet cu a pone, cu ta boetnan pasobra esnan cu mester a cumpli, no a cumpli.

DIMP como departamento ta haciendo nan best pa percura pa tur hende paga nan fairshare ora ta trata impuesto. Si tin cu bisa cu ora drenta un negoshi y mira un administracion y ta bisa cu mester a paga 100 pero a paga 0, e incumplimento, e fayo, no ta na e departamento di impuesto. E fayo ta den e pensamento di e negoshante cu ta pensa y ta haya ta bon pa sigui haci negoshi y keda sin paga belasting deliberadamente.

Comments

comments