Lotto ta felicita Sv Dakota cu nan titulo di campeon di Aruba su futbol

Diamars ultimo Aruba completo tabata den gara di e gran final di Aruba su futbol di e campeonato di Arubaanse Voetbalbond AVB 2017 – 2018.

Apesar di e Mundial di futbol FIFA 2018 na Russia, e comunidad di Aruba no a lubida riba nan propio campeonato di futbol cu dos finalista digno. E siguidornan a gosa di un tremendo final di futbol den e division di mas halto di Aruba su futbol entre e dos gigatenan Nacional, e campeona di anja pasa y Sv Dakota cu no a mira titulo desde anja 1996. Ambos e kipo a bataya bon den e prome wega cu a keda empata 0 – 0. Diamars ultimo a tuma lugar e di dos partido di final den stadion Guillermo Trinidad na Dakota.

Mester bisa cu un publico grandi a bin presencia e di dos wega di final den un stadion colma di fanaticadanan bisti den e colornan tradicional di nan club faborito. E ekipo di Dakota bini dicidi y ta logra vence Nacional cu e score final di 4 – 2 pa asina logra e titulo tan anhela despues di 22 anja. Lotto como un di e stakeholdernan di Arubaanse Voetbalbond AVB kier a felicita e ekipo di Sv Dakota y e pueblo di Dakota y becindaro cu e triunfo cu a bini net despues di 22 anja. Mas cu claro un pabien ta bay tambe na Nacional cu nan di dos lugar y Arubaanse Voetbal Bond pa un bon campeonato di futbol 2017 – 2018.  Lotto, e Loteria di Aruba ta masha contento di por aporta na e campeonato di futbol di AVB.

Cumprando weganan di Lotto, e Loteria di Aruba bo ta contribui na deporte riba nos isla. Meta di St. Fundacion Lotto pa Deporte ta pa organisa loteria, cambia bida di su hungadonan y na mes momento inverti den deporte local pa medio di donacionnan na Stichting Sportsubsidie Aruba.