Ya pa tres siman un delegacion di Judo ta den exterior unda nan a combina un campo di entrenamento na Chile hunto cu e seleccion nacional como tambe atende dos campeonato grandi cual tabata e mundial di Cadet Judo na Chile y e Panamericano di Judo Cadet na Ecuador.
Un di e atletanan di Aruba cu e destaca den e Panamericano di Cadet ta Sophia Petrocchi. E atleta Petrocchi ta logra un medaya di Brons pa Aruba den e Panamericano di Judo y esaki ta e prome medaya Panamericano pa Aruba den Judo Cadet. Mester bisa cu Sophia su prome pelea tabata contra e e despues campeon Panamericano cu tabata den su poule unda e la cay venci, pero despues Sophia a bay repechage y ta recupera y gana su dos siguiente peleanan pa punto maximo esta Ippon y asina conkista e medaya di Brons pa Aruba. E atleta Sophia Petrocchi sin duda ta un di Aruba su atletanan femenino prospecto den deporte.
E atleta di Aruba ta praktica diferente deporte riba nivel halto pero e ultimo tempo a concentra su mes mas den judo. Aki algun siman e lo representa Aruba den e Weganan Sur Americano Hubenil 2017 na Santiago de Chile. Lotto semper sosteniendo nos deportistanan ta felicita e atleta Sophia Petrocchi, e federacion di Aruba Judo Bond y tambe e mayornan cu e gran logro aki. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio
