Den un Congreshal repleto di hende, e mayoria personanan di Surinam, nos delegacion di taekwondo a bringa diabierna anochi despues a apenas un dia y mei di descanso.
E di 7 edicion di e TK5 na paramaribo Surinam organisa pa e scol di taekwondo Arty Lie a premira di bira uno grandi cu participacion di paisnan manera Surnam, Frans Guyana y Aruba mes Aruba cu un total di 8 atleta a bataya prome den e categoria di 12-14 anja. Arthy Lie di Surnam tabata e prome contrincante di e team di Taekwondo di Aruba. Aki e tres atletanan Hakeem Lowe, Jahmani Eisden y Joshua Klaber den un pelea basta fuerte a cay venci cu score di 44-33 contra e team Cadet TK3 di Surinam. Den e categoria di 15-17 Aruba cu un total di 5 atleta a bataya fuerte den e prome buelta contra e team di Yu Sin di Surnam. Aki e atletanan Rasheed Lowe, Rouell Baarh, Shaquille Barry, Zahyon Klaber y Nathan Fradl a domina e combate desde comienso y a sa di gana Suriname cu score abundante di 79-17.
Den e di 2 round Aruba a enfrenta e team fuerte di ekipo di Arthy Lie di Surinam.
Den un pelea hopi fuerte mes contra e team di Surnam, Aruba a sa na gana cu score convincente di 38-19 y di e manera aki sali campeon den e TK5 junioren na Surinam. Mester bisa cu esaki ta pa varios anja caba cu nos muchanan ta gana e TK5 na Surinam sea ta den un of mas categoria. Lotto cu semper ta kere den e talento di nos muchanan, specialmente esnan di taekwondo kier a manda un palabra di pabien na e atletanan di e tres scolnan esta Stichting Brazil Taekwondo, Impact Taekwondo Aruba y San Nicolas Taekwondo Center cu a representa nos bandera dignamente y cu un otro logro grandi pa nos dushi isla. Lotto cambio bida di deporte na Aruba.
