Durante Paranda Rubiano anima na Maasilo, nos a topa cu Lord Cachete, un figura hopi stima pa tur Rubiano. E artista, cu tabata radiante, a splica cu el a sinti un obligacion pa ta presente n’e evento, “E ta banda di mi cas mes. Con mi no por tey, cu Jeon, Tony & the Boyz? Mi mester t’ey pa mi hendenan.”
Cachete a expresa su tristesa p’e cancelacion di Arubadag, pero a elogia e exito di Paranda Rubiano, cu ta celebrando su di dos of di tres aña. “Esaki ta mi di dos aña presentando, y e ta den mi backyard, unda mi ta topa cu mi hendenan,” el a declara.
E artista a comparti cu el a disfruta e musica di Rasta tabata un di e motibonan cu el a dicidi di “los e” den e ambiente festivo, despues di no tabata presente na carnaval na Aruba. Tambe, Cachete, un chef conoci pa su talento culinario, no a perde oportunidad pa saboria e cuminda local.
Cu un sonrisa, Cachete a manda un mensahe pa su fanaticonan na Aruba: “Paranda Rubiano ta pa disfruta. Pronto nos lo bolbe topa!”
E ambiente na Rotterdam tabata yen di alegria y nostalgia, cu presencia di 24ora.com documentando e evento special aki.
