Ichelle Oduber-Simon ta invitabo pa hunto repasa e noticianan mas importante di e dia di awe.
Durante e di 11 dia di Toque de Queda (TDQ), cu ta cuminsa 9:00pm pa 6:00am, a detene no menos cu 8 sospechoso. Mayoria hende deteni pa prome biaha a haya 1.000 florin pero esunnan cu a gara pa di dos of mas biaha, a haya multa mas halto.
Dokter Caroline Becker: Hendenan cu ta bira malo di e coronavirus tin e sintomanan di tosamento, keintura, problema di hala rosea, dolor di garganta y perdida di olfato. “Nos mester purba di no drenta den panico pasobra tin hopi informacion incorecto cu por causa paniconan inecesario”
ExPromer Minister mr Mike Eman ta mustra riba tempo nos dilanti, mustrando cu lo tin hopi sacrificio pero na mes momento a enfatisa cu mester ta husto den esaki. E reto nos dilanti ta mas grandi cu cualkier un instituto den nos Pais para riba su so por atende
Biñis Montero di Calabas 35 D: Famia ta den situacion di aislamento y nan no tin coriente. Ta trata di un famia di 18, kendenan tin nan yiunan y mayoria di nan ta traha den hotel, restaurant y construccion. Awo nan tur ta na cas y e situacion a bira mas fastioso.
Auto a dal señora riba brommer na rotonde di paradera. Aki un señora riba brommer tabata subiendo e rotonde biniendo for di Tanki Leendert ta accidente na momento cu un vehiculo ( Nissan Altima shinishi ) ta bin y tambe ta subi rotonde.