Ichelle Oduber-Simon ta invitabo pa hunto repasa e noticianan mas importante di e dia di awe.
Prome Minister Mark Rutte den discurso nacional a expresa su mes riba e forma mas corecto pa atende cu e crisis di coronavirus. Tin hopi reaccion di panico y a pidi pa concentra riba informacion di expertonan so. Hopi hende lo keda contagia, pero cu sintomanan leve.
For di 5’or awe mainta “ta drenta den cuarentena social y colectivo” e capital Venezolano, e estadonan central di La Guaira, Miranda, Cojedes, ademas di e estadonan fronterizo cu Colombia di Zulia y Tachira, Maduro a bisa den un declaracion transmiti en cadena di radio y television.
Den Conferencia di Prensa di Gobierno di Aruba dialuna mainta, sra. DVG y Crisis Team seccion Cuido di nos grandinan a elabora riba ultimo desaroyonan di Corona Virus. E enfasis tabata ta e cuido di nos grandinan en general.
Den fin di siman Cruz Cora a yama su grupo di boluntario hunto pa cuminsa cu nan preparacion den caso cu yama nan pa duna un man den un crisis relaciona cu coronavirus. Kico ta bay ta e rol di Cruz Cora den un crisis no ta conoci ainda, pero e ta algo cu ta wordo dicidi door di e comision instala door di Gobierno.
Carolina di patruya 37 liber despues di un fayo di Trudy Hassel di Warda nos Costa.
Fecha
nobo pa comedia “Surprise parti pa Loloi”. Tur cos tabata cla caba, tur
gasto ta cubri y ta presentacion so tabata falta. Cas di Cultura a
dicidi di pone mesora dos fecha nobo pa e funcionnan tuma luga. Fechanan
nobo ta bira 30 di april y 1 di mei.
