Ichelle Oduber-Simon ta invitabo pa hunto repasa e noticianan mas importante di e dia di awe.
Aruba
ta sigui den gara di e Coronavirus, mientras cu Merca y Hulanda ta
tumando decisionnan drastico pa salvaguardia salud publico…..
Doño
di Palm Beach Divers, Robin Zwaan, kier laba man! Awor cu ta preparando
pa manda Mario Maduro afo, ta resulta cu doño di e watersport kier hala
atras. El a bisa famia cu e no ta banco.
Dokter di cas Joaquin van Trigt a sigura cu Aruba ta hopi bon prepara pa Coronavirus. HAVA a palabra cu si un Dokter contagia, lo cera su practica temporalmente.
Advertencia di Partido AVP: Asina cu asumi poder bek, lo elimina e licencia cu Gabinete Wever-Croes ta dunando na comerciantenan y amigonan yega na e partido, relaciona cu plantacion di marihuana na Aruba.
Mama di sospechoso ta denuncia cu Polis a maltrata su yiu den cel na Warda di Polis di Santa Cruz. Su yiu ta interna ainda cu golpinan severo na curpa y na cabes.
Awe a sosode un accidente serio den bisindario di Alto Vista. Un UTV biniendo for di Alto Vista a perde control riba e caminda di santo. E señora a haya basta sla y tabatin un corta cu tabata sangra hopi.
Comedia un Sopresa pa Loloi ta premira di bira un otro exito mas. Pachi Damoen y su elenco di comediantenan extraordinario ta na Aruba y cla pa start show mañan diabierna anochi den Cas di Cultura.
