Ichelle Oduber-Simon ta invitabo pa hunto repasa e noticianan mas importante di e dia di awe.
Ta parce cu e Toque de Queda no ta dunando e resultado desea ainda….entre ayeranochi y awe marduga, Polis a detene no menos di 22 hende riba caminda publico.
Papiando di e Coronavirus, a resulta cu di e 9 casonan adicional ayera, 8 tabata procedente for di Fundacion Respaldo, pues ex-Paaz. Ta trata di 2 cliente y 6 empleado di e policlinica, situa den cura patras di nos Hospitaal.
Lamentablemente awe Aruba a conoce nos di prime morto den trafico. El a resulta den e peaton Darrel POP di 51 aña di edad. E ta un adicto ambulante y un auto a alcanse awemainta 8’or riba Watty Vos Boulevard na altura di e rotonde cerca di Cas Casuela. Condolencia na su famia.
Awe a anuncia tambe, cu dor di e mesun crisis mundial aki, cu e concierto di Daddy Yankee cu mester a tuma luga dia 4 di april proximo na Aruba, ta posponi te cu un proximo aviso.
Pero ta parce cu mientras conciertonan ta afecta negatitvamente, e supermercadonan si ta mas yen cu normal. For di 7or di mainta caba nos a topa cu filanan largo na diferente supermercado, mescos tambe tabatin fila awe mainta caba riba Barcadera pa clientenan cu a bay yena of cambia nan butishi di gas.
