Logros ta pasa facil riba Blackhawks derotando nan 9-1

Campeonato HEINEKEN fast pitch di Aruba Softball Bond dedica na baluartenan Jacobo Jansen y Gilbert “Nando” Maduro a continua riba veld di Dragon Hitters. Den categoria A-Klas e equipo di Logros a culmina un victoria relativamente facil riba e muchanan di Blackhawks.

Logros ta pika ariba 2-0 den promer inning. Den cabez di dos inning Logros ta amplia cu dos careda mas y ta rally pa 4 careda mas den inicio di 4 inning pa finalmente gana e wega 9-1. Blackhawks a anota su unico careda den bom di dos inning.

Boxscore final Logros 9 careda, 10 hit, 0 error y ta laga 6 coredor na base. Blackhawks 1 careda, 5 hit, 2 error y ta laga 7 coredor den circulacion. Como equipo Logros a bati di 25-10 bon pa un averahe di 400 mientras Blackhawks a bay di 20-5 pa un averahe di 250. Mihor bateadornan pa Logros ta Rachi Berry di 3-2 incluyendo 2 cuadrangular, 2 careda anota mas 4 careda impuha, Daniel Fernandez , Alexander Groeneveld, Junior Simmohds tur a bay di 2-1, Miliciades German 3-2 cu dos doblete mas 3 careda impuha. Pa Blackhawks a destaca na plato den causa perdi Jomir Vrolijk di 2-2, Yeisid de Kort 1-1 cual bataso tabata un homerun, Rodney Kelly y Leonardo Dirksen ambos di 2-1.

Edgar Bautista ta seya un otro victoria riba su nomber y ta bay 5 inning enfrentando 23 bateador tirando 21 bola, 48 strike pa un total di 69 lansamento permitiendo 1 careda tras di 5 hit ponchando 4 bateador y ta regala 2 base por bola y por mira atras riba un tremendo actuacion. Rodney Kelly ta bay cas cu e derota. Rodney a enfrenta 30 bateador den 5 inning lansando 44 bola, 52 strike pa un total di 96 lansamento permitiendo 9 careda di cual 8 ta limpi tras di 10 hit ponchando 3 bateador y ta regala 4 base por bola. Campeonato ta continua di dialuna 17 pa diabierna 21 di Juni cu un total di 10 partido valido. Dialuna, Diaranson y Diabiernma weganan tan a Pos Chiquito mientras Diamars y Diahuebs weganan lo ta na Dragon Hitters. Fanaticada bin apoya Bo equipo preferi !!