Logros ta derota The Prodigies jegando mas serca di clasifica como number uno den campeonato

Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veldnan na Pos Chiquito.

Den categoria A-Klas Logros ta logra su di 7 victoria derotando The Prodigies bastante facil cu score di 17-3. Logros ta pika ariba den bom di promer inning 5-0. Den cabez di 3 The Prodigies ta rally pa 3 careda y ta hasi e wega 5-3 pero den bom di 3 Logros ta habri fuerte riba The Prodigies cu un inning di 12 careda pa knock out nan oponente 17-3.

Boxscore final Logros 17 careda, 13 hit, 2 error y ta laga 6 coredor na base. The Prodigies 3 careda, 6 hit, 3 error y ta laga 6 coredor tambe den circulacion. Mihor bateadornan pa Logros ta Junior Simmohds 2-1 cu 3 careda anota, Arnaldo Perez 2-2 cu 3 careda anota mas 2 impuha, Genaro Girigorie 3-2, Jurick Cicilia 3-2 cu 2 rbi, Alexander Groeneveld di 3-3 cu 2 careda anota mas 3 impuha, Jair Catalina 2-1 y Willy Matos di 2-1. Pa The Prodigies a destaca na plato Jenrdick Roga, Juan Carlos Geerman, Davino Alvares tur a bay di 2-1, Hilward Geerman y Joshua Lucas ambos di 1-1.

Edgar Bautista ta pone un otro victoria riba su nomber enfrentando 21 bateador lansando 27 bola, 54 strike bon pa 81 pitch permintiendo 3 careda tras di 6 hit propinando 6 ponche crema y ta regala 1 base por bola. Hilward Geerman ta bay cas cu e derota permitiendo 5 careda den 10 bateador cu el a enfrenta. Joshua Lucas ta drenta releva den di 2 inning y ta permiti 12 careda mientras Hector Winterdal ta drenta pa saca e ultimo out di partido. Play Off A-Klas ta inicia diabierna awor riba veld na Pos Chiquito unda clasificado # 3 lo enfrenta clasificado number 4 y clasificado number 1 lo topa clasificado number 2 den nan promer wega di nan serie di best out of 3. Softball den pleno desaroyo.

Comments

comments