Logros ta derota Black Joker den un wega maratonico

?????????????????????????????????????

Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “ Nando” Maduro a continua riba veld di Pos Chiquito. Den categoria AKlas Logros cu Black Joker a bay un half maraton unda finalmente Logros ta derota Black Joker cu score di 18-12.

Como equipo Logros a bati di 484 mientras Bkack Joker a bay di 30-12 bon pa un averahe di 400. Logros 18 careda, 16 hit, 4 error y ta laga 7b coredor na base. Black Joker 12 careda, 12 hit, 4 error lagando 6 coredro den circulacion. Mihor bateadornan pa Logros ta Arnaldo Perez 4-2 anotando 3 careda, Jurick Cicilia di 3-2 anotando 3 careda mas un cuadrangular  impuhando 2, Edgar Bautista 4-2 cu 4 rbi, Alexander Groeneveld di 3-2 cu 3 careda anota, Genaro Girigori 3-2, Jose Rosario 1-1, Jair Catalina 2-1 cu dos careda anota y 2 impuha, Junior Simmohds 1-1.

?????????????????????????????????????

Pa Black Joker a luci na plato Ashwi Feliciano 3-2 cu 2 careda anota, Alvaro Reyes 3-2 cu 3 careda anota mas un cuadrangular, Burton Sintjago 4-2 cu dos careda anota mas dos impuha, Amaro Maduro 4-3, cu 3 careda anota mas 2 careda impuha, Juan Carlos Maduro di 4-2 cu 3 rbi. Pitcher ganador a resulta Genaro Girigori lansando 2 inning, 48 pitch, permitiendo 7 careda y 8 hit. Genaro ta wordo releva pa Jose Rosario kende a lansa 3 inning, 46 pitch permitiendo 5 careda, 4 hit y ta regala 3 base por bola.

Glenrick Marchena ta resulta pitcher perdedor tirando 4 inning, 109 pitch permitiendo 18 careda, 16 hit regalando 5 base por bola. Gioshua Maduro ta releva 1 inning, no ta permiti careda lansando solamente 6 lasnamento. Weganan di fast pitch ta continua henter siman dialuna, diaranson y diabierna na veld na Pos Chiquito mientras Diamars y Diahuebs na veld di Dragon Hitters. Un total di 10 wega e siman entrante. Fanaticada di fast pitch jega tereno bin apoya boso equipo preferi.  

Comments

comments