Campeonato HEINEKEN di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veld di Dragon Hitters.
Den categoria A-Klas equiponan number 1 y 2 esta Logros y Black Joker a hunga nan di tercer partido din an serie best out of 3 cual tabata empata 1-1. Esun cu gana lo tin sub campeon garantisa y ta bay drumi warda y esun cu perde lo hunga un serie nobo vs Piratas pa determina kende lo pasa pa e gran final.
Black Joker ta anota 4 careda den cabez di promer inning pero Logros ta responde cu 10 careda den bom di promer inning. Finalente Logros ta gana 13-9. Logros 13 careda, 11 hit, 2 error y ta laga 3 coredor na base. Black Joker 9 careda, 12 hit, 5 error y ta laga 8 coredor den circulacion. Mihor bateadornan pa Logros Rachi Berry di 4-1 cu un homerun, Arnaldo Perez, Danny Hernandez y Alexander Groeneveld tur a bay di 2-1, Jurick Cicilia 3-3 cu 2 triple mas 5 careda impuha, Miliciades German 3-2 cu 3 rbi. Pa Black Joker a destaca na plato Ingemar Adamus 4-2 cu 1 homerun, Lorenzo Maduro 3-3, Roderick Simon, Alvaro Rodriguez y Ashwi Feliciano di 2-1, Eldrick Maduro di 4-3.
Genaro Girigorie ta enfrenta 32 bateador tirando 42 bola, 50 strike bon pa 92 lansamento permitiendo 9 careda di cual 6 ta limpi tras di 12 hit y ta regala 3 base por bola pa bay cas cu e victoria. Brian Courtar ta permiti 10 careda tras di 5 hit y ta bay cas cu e derota. Lorenzo Maduro ta drenta releva Brian den promer inning. Weganan ta continua diabierna awor na veld na Pos Chiquito.
