Lodge King Solomon a tene un opendag. Ta algo cu nan ta haci un biaha pa aña mundialmente, caminda cu nan ta habri nan portanan. Esaki ta henter e region cu ta cay bao di e parti Hulandes. Normalmente nan ta hacie e di dos siman di september. Y awo pueblo a haya e oportunidad pa wak den nan logia y mustrando cu nan ta forma parti di un organisacion cu ta contribui cu e pueblo.

Segun presidente di King Solomon Lodge, Marcelino Ras, nan ta un fraternidad, caminda cu nan ta ricibi hende homber cu ta trahando pa haci nan mes un miho hende. Esey ta e base cu nan ta cuminsa cun’e. Loke nan ta haci ta, cu nan ta labora conhuntamente, unda cu a base di simbolismo y educacion di 1717 ta existi, esta mas cu 302 aña. E logia ta labora hunto riba diferente topico den diferente grado.

Lodge King Solomon a tene su opendag

Lodge King Solomon a tene su opendag. Click e link pa mas https://24ora.tv/2kn0d4G

Posted by 24ora on Sunday, September 15, 2019

No tin di haber cu religion

E logia no tin haber cu religion. Ta tuma cualkier ruman di cualkier religion. Cualkier persona cu ta desea, cu tin un religion, pa join e fraternidad ta welcome. Nan no ta un organo religioso. Con pa join? Dia di e Opendag tabata un bon dia, caminda cu nan por a acerca. Si conoce masonnan, nan por papia cun’e y ta mustra e caminda con pa yega eynan.

Bista di comunidad

E logia ta un ordo habri caminda nan ta mustra kico nan ta haci. P’esey e opendag ta wordo poni, unda cu pueblo henter por bin na e logia y ta mustra kico nan ta practica. Tin hopi pensamento cu tin secresia. Pero al contrario. Nan no tin. Naturalmente cada hende cu drenta, ta haya e chens pa mira con nan ta practica. Pero secreto nan no tin, manera ta menciona.

Un organisacion mundial

E organisacion ta mundialmente conoci. El a cuminsa na Inglatera, sigui Hulanda, djey sigui den Caribe y nan ta responde bek for di Caribe, bek pa Hulanda y Hulanda bek pa Inglatera. Naturalmente ta haya Merca tambe, conhuntamente cu diferente otro pais cu ta democratico, cu hendenan tin un mente liber, por bira un mason. Sa cu den paisnan cu hendenan no tin un pensamento liber, no por tin masoneria.

Invitacion

Pa mas informacion, por bin ainda na e opendag. Si conoce un persona cu ta miembro di un lodge, ta bon pa acerk’e. E por splica e ora e caminda pa cana.

Comments

comments