Ayera Minister Rocco Tjon a dialoga cu Dr. Edward Cheung, un figura prominente den comunidad, cu a pone Aruba riba mapa academico internacional.
“Nos a combersa riba un proyecto cu sigur ta algo cu nos tur por ta orguyoso di dje. Durante e siguiente expedicion pa luna, a colecta santo blanco di beachnan di Aruba pa por forma parti di e obheto cu pa semper lo keda riba e superficie. Asina aki, nos por bisa, Aruba ta riba luna”, asina Minister Tjon a conta.
E deseo di Dr. Cheung, ta pa cada mucha y hoben na Aruba, sa cu e distancia entre nos isla, nos mundo y e espacio ta mas cortico cu nunca, danki na tecnologianan moderno y e soño di un yiu di tera.
Dr. Cheung kier inspira cada mucha y hoben. Kier mustra nan cu si nan ta desea di sigui den su pasonan, e lo ta na NASA ta warda riba nan.
